2012年8月16日星期四

不喜勿插

每個人都有發表自己意見嘅權利,不論係喺現實又好,喺網上討論區又好,由現實去到網絡世界,都有權發表自己嘅睇法。當然,其他人唔同意嘅時候,佢哋亦都有權對你嘅意見作出反對。

近年唔知點解突然掀起一陣「不喜勿插」熱潮-發言者講完一番偉論之後,會喺最後加一句「不喜勿插」,意思係請所有不喜歡自己論點嘅網友唔好插自己。

插,字面上解作鬧,但好多時即使係理性討論,當事人都未必希望聽到。

一句「不喜勿插」叫所有唔認同自己嘅人收聲屬極度霸道嘅行為,霸道背後顯出嘅係鵪鶉到不行嘅性格,對自己講嘅嘢亳無信心。其實打呢四個字嘅鵪鶉寶寶有冇諗過,第一,呢個世界係咪真係咁簡單,你一句收聲大家就會即刻封嘴唔講嘢?第二,有冇必要全世界都要同你朝住同一個方向諗嘢?


喂,不如試下將呢四個字加喺學校嘅essay裡面,睇下阿professor係咪會零意見,之後你係咪會攞滿分?我諗唔會囉。

既然加咗唔見得有任何幫助,都係唔加好過加,否則恐怕同講廢話冇任何分別。

[Picture grabbed from therealpinkfloyd@Flickr]

4 則留言:

naruto 說...

叫人唔好插佢,但可能鍾意去插人喎

Quincy Luk 說...

呢啲咪係低能囉!「不喜勿插」呢啲真係歌迷罵戰參與者嘅必用金句,其實自己咪又係喺度話緊人哋!

匿名 說...

人地加個4隻字令自己好似有個保護罩先,之後俾人插,又拎返呢4隻字出黎彈人,不過都係個句,把口係人地到,佢鍾意點打就點打

Quincy Luk 說...

所以咪話呢人自私。

Related Posts Plugin for WordPress, Blogger...