2016年11月29日星期二

大男孩的少男情懷


二千年前後嘅流行曲,其實隨便執一首都會係水準以上嘅作品,就算唱功不足,都有包裝搭夠。能夠曾經活在當年嘅音樂世界,一直都覺得自己好幸福。

喺香港樂壇裡面,能夠令我儲齊所有唱片嘅歌手,除咗鄭秀文,就只有蕭正楠同埋E-Kids。冇錯,係E-Kids。

十四年前,我自己都有好一段日子係金毛,潮流興嘛。

十四年前,未有WhatsApp雙藍剔,科技未係一日千里嘅時候,愛情其實好簡單,你真係會因為幾日冇見一個人而覺得好掛住佢。抱住呢一份真誠,聽《開始戀愛》會覺得好窩心,好甜蜜。

和你看日落逛海灘 (有心不需吃飯)
陪你看電視到五更 (從未渴睡)
和你要日日見算不算貪
太緊會不會散 誰決定緣份期限

可惜嘅係呢個年頭,睇日落嘅最終目的係影相放上網,兩個人一齊睇電視有一個右手會係拎住部電話,WhatsApp嘅出現令到唔駛日日見都唔會好掛住,兩個人真正「相處」嘅時間大大減少,「交流」唔再局限於面對面、手拖手。如今情竇初開,拖到實一實嗰種溫暖已經不復再,咁梗係覺得呢隻歌低B啦!

淺白嘅歌,唔取巧嘅演繹一樣可以帶來共鳴。嗰份雖然淺白,但又夭心夭肺嘅少男情懷,其實冇乜幾多歌手唱到出嚟。

《下學期》嗰份純真嘅少男情懷-

他像我嗎 合格嗎 我妒忌 不爭氣
話結束 便結束 別退縮 相信復合在下個學期

《青春火花》嘅堅強同理智-

和你 要青春繼續燃亮
願昨日飲歌定可再遇上 下一個合唱
同在每日繼續成長 再找方向

《最佳表情》嘅正面-

不要想 你不夠條件趕上
雨下過 也不為特定對象
前路那麼壯闊漫長 誰亦夠格被看上

《第一個唱》嗰份自信-

容我於地球上某處演唱 穿上新裝形像要最閃亮
燈光給我 歡呼我
全場合唱 讓我當主音你和唱

《玩玩具》嗰種憂怨中嘅灑脫-

其實快樂退出不是罪 不怕誰在吻你嘴
若失戀很累 就省一點眼淚
善變的 憑什麼親我嘴

《再見4.1》嗰種淡淡然嘅傷感-

都知我未夠高 只會喜歡你
偏偏我願意犧牲我自己 希望陪住你
化做水蒸氣 滲入你心扉 要共你遊歷遍勝地

《私人時段》嘅治癒-

你要熟睡 戀愛太過痛苦不要說下去
如何累 也別要隱居
誰人待你太狠 你別流眼淚
若然情形如此 怎說話都不對
陪著我笑笑 令你原本的感覺都退去

一班花生友嚴苛地要喺E-Kids身上尋找人生大道理同高層次嘅inspiration,成個方向錯晒。如果忘記Tommy出位嘅行為 (雖然呢個可能係導致E-Kids被針對嘅導火線) ,放低對三伙子嘅會考成績嘅攻擊,放棄喺呢個年頭聯同各大媒體恥笑人哋十四年前嘅造型,細心咀嚼一下呢三個大男孩嘅歌曲,一定會發現值得你欣賞嘅地方。

[圖片來源:Ekids@Facebook]

【我的E-Kids五大】

2016年9月17日星期六

鄭秀文其實可以好犀利


並非要說鄭秀文的唱功有多厲害,或是跳舞有多好看。所謂的犀利,是她下了決定的事,她就會堅持朝著目標去做到最好。

最近一次被紀錄的帶病演唱是填詞人黃偉文的作品展,她盡最大努力唱完了三首歌,當中包括蕩氣迴腸的《如何掉眼淚》,聽得出不是平時的水準,但還可以接受。今天的《Touch Mi 2 鄭秀文世界巡迴演唱會》,相信她的病情比那次更為嚴重。開場大概是音樂太強勁,加上底聲較重和快歌比較易處理,並未察覺到不妥,但唱罷《煞科》,一開口說話大家就知道情況不妙,接下來唱《親密關係》時大家更知道這並非只是打一、兩個噴嚏的傷風感冒。

以住鄭秀文有一股天后的霸氣,偶爾唱錯歌詞,或是唱得不好時,你都不會在她臉上找到尷尬的表情,但在這次演唱會上,這股天后的霸氣偷偷溜走了。她在台上頻頻搖頭,皺著眉流著淚,臉上是「完蛋了」的表情。她很難過,我們很痛心。已分不清楚哪一把是她的聲音,哪一把是和音,哪一把是現場觀眾幫忙的聲音。

《Touch Mi 2》屬「Touch Mi」系列的最終站,除了新衣服外,過去兩年在其他地方的演出都沒有很大的改動,但在這次香港的最終站卻改頭換面,加入了新歌《犀利》、《Fabulous》(我討厭陳詠謙的歌詞),以及一些歌迷們很想聽的side tracks,包括從來沒有在演唱會唱過的《最後一次》和《你愛我愛不起》,很久沒有唱的《如何掉眼淚》和《愛的輓歌》等等。單看曲目就知道下了不少心思,雖然病菌令她未能唱好這些令人驚喜的歌曲,但她仍拚了老命嘗試唱好每一個字,眼見她如此努力,真的又感動又痛心,但誰又可以在喉嚨發炎時唱好《薩拉熱窩的羅密歐與茱麗葉》呢...

病情如此嚴重,大概都曾經糾纏在取消與硬著頭皮繼續這條選擇題之中。最後,她用意志和毅力完成了第一場。女人有時真的很飄忽,過往有些時候,她堅持不唱就不會唱,只顧跳舞完全甩掉歌詞,她不要做的話誰都管不了;今天她堅持要完成演出,就真的毫不留力認認真真的去做。

相信在最尾一部份唱《不要驚動愛情》時的一句「對不起」,比今晚任何一首慘情歌叫人心酸。看得出她已用盡全力去做到她今天能力範圍以內的水準,這份誠意已值回票價。希望鄭天后明天一覺醒來狀態大勇,能順利地完成餘下七場演唱會。

[圖片來源:蘋果日報]

Touch Mi 2 鄭秀文世界巡迴演唱會 香港站
(第一場 16/09/2016)

Fabulous
螢光粉紅
煞科
親密關係

迷糊、情慾、對象
發熱發亮
男仕今天你很好

如何掉眼淚
哭泣遊戲
沒那麼簡單 (蕭煌奇合唱)
你是我的眼 (蕭煌奇)

愛是... (MC仁合唱)
罪與罰 (MC Phat@24 Herbs合唱)
薩拉熱窩的羅密歐與茱麗葉
上帝早已預備
朝聖

最後一次
回來我身邊
如果我們不再見
終身美麗
我們的主題曲
一起走過的日子 (劉德華)

犀利
獨家試唱
星「秀」傳說
信者得愛
火熱動感La La La
荒漠甘泉
熱愛島

愛的輓歌
你愛我愛不起
上一次流淚
心血來潮
捨不得你
不要驚動愛情
默契

2016年1月1日星期五

2015年度最愛電影排行榜

上年睇過乜:
2014年度最愛電影排行榜 上半場 / 下半場


喺Facebook充斥住一大堆以「今年真係發生咗好多事」開頭,「新一年一定會過得更好!」作結(其實啲人係咪用同一個template打架?)嘅2015年回顧嘅同時,我決定一路食朱古力豆,一路同大家回顧一下2015年睇過嘅十二套電影。

今年繼續用運氣買戲飛,打頭陣有糖衣陷阱《戀愛魔法》。我知道日劇又長氣又悶,禮拜六、日電視播日劇我都只係一路晾衫一路睇,但因為相葉雅紀,我第一次入戲院睇日本電影。結果當然係不堪設想,簡直係悶到想界櫈(但冇帶界刀),下次再有made in Japan嘅真係唔駛預我...

戀愛魔法
★★★★☆☆☆☆☆☆

While We're Young (玩轉4字頭)
★★★★★☆☆☆☆☆

Tomorrowland (明日世界)
★★★★★★☆☆☆☆

Poltergeist (鬼驅人)
★★★★★★☆☆☆☆

正所謂希望越大,失望越大,《I Kissed a Girl》同《The Gift》係兩個好好嘅例子。前者講述靚仔基佬男主角喺準備同男朋友結婚之際,竟然同一個女人發生一夜情。天真嘅我以為個故事會高潮迭起,但故事平淡不特止,仲要有一個我都幾唔鍾意嘅結局,所以扣咗好多分。後者個trailer睇到我好心寒,香港未上我已經bookmark住,一定要去睇,點知成套戲氣氛唔夠懸疑兼唔夠驚嚇,同想像中出入都幾大。慶幸成個concept夠變態,有啲位雖然估到下一步會發生咩事,但都不失心寒嘅感覺。

I Kissed a Girl (Toute Première Fois / 攣情告急)
★★★★★★☆☆☆☆

The Gift (不能拆的禮密)
★★★★★★★☆☆☆

《Spy》好評如潮,但我覺得《Vacation》比《Spy》來得更輕鬆同贏得更多笑聲(我笑到拍手)。本以為《Vacation》會係一套類似賀歲片咁令人皮笑肉不笑嘅無聊戲,點知原來係一套more than「哈哈」兩聲嘅溫情片。係咸濕,但啲gag咸濕得嚟有質素,完場諗番起都仲會自己喺條街度笑;係玩屎,但核突得嚟又真係好好笑。我喺戲院睇咗一次,喺飛機睇咗一半(坐我前幾行個外國佬笑到郁晒),最後買埋DVD平安夜開P成班人笑第三次!

Spy (凸務Madam)
★★★★★★★☆☆☆

Vacation (親子樂膠遊)
★★★★★★★☆☆☆



A Royal Night Out (皇家公主出走記)
★★★★★★★☆☆☆

The End of the Tour (當旅程結束時)
★★★★★★★☆☆☆

《Kingsman: The Secret Service》同《The Walk》兩個故事非常緊湊,好有驚喜。我自己入場前都估唔到呢兩套戲會攞到我嘅八粒星!

Kingsman: The Secret Service (皇家特工:間諜密令)
★★★★★★★★☆☆

The Walk (命懸一線)
★★★★★★★★☆☆



最後想補充一句:香港地區嘅中文譯名已經進入無藥可救嘅地步,所以我先盡量避免喺文中使用中文譯名。

[Pictures grabbed from Hong Kong Movie (戀愛魔法) & IMP Awards (all except 戀愛魔法)]
Related Posts Plugin for WordPress, Blogger...